حضرت سعد بن ابی وقاص رضی اللہ عنہ فرماتے ہیں کہ میں مکہ میں سخت بیمار ہو گیا رسول اللہ صلی اللہ علیہ وسلم میری عیادت کے لیے تشریف لائے تو میں نے عرض کی یا رسول اللہ میں نے کافی مال و دولت چھوڑا ہے اور میرے پیچھے صرف ایک لڑکی ہے کیا میں دو تہائ مال کی وصیت کرکے ایک تہائی مال اپنی لڑکی کے لیے چھوڑ دوں؟حضور نے انکار فرمایا میں نے پھر عرض کیا میں آدھے مال کی وصیت کرکے آ دھا مال چھوڑ دوں کیا؟حضور نے پھر انکار کیا میں عرض گزار ہوا یا رسول اللہ کیا میں تہائ مال کی وصیت کرکے دو تہائ مال اپنی لڑکی کے لیے چھوڑ دوں حضور نے فرمایا کہ تہائ کر دو لیکن تہائی بھی زیادہ ہے اس کے بعد آپ نے میری پیشانی پر اپنا دست مبارک رکھا پھر اپنا ہاتھ میرے چہرے اور پیٹ پر پھیرا اور میرے لیے دعا کی اس وقت سے جب بھی مجھے اپنا خیال آتا ہے تو حضور کے دست شفقت کی ٹھنڈک اپنے جگر کے اندر محسوس کرتا ہوں 
ایک تبصرہ شائع کریں